।। श्री हनुमान चालीसा।।
|| ShrI HanumAna ChAlIsA||
॥ दोहा ॥
श्री गुरु चरण सरोज रज, निज मनु मुकुरु सुधारि।
वरनऊँ रघुवर विमल जसु, जो दायकु फल चारि॥
बुद्धिहीन तनु जानिके, सुमिरो पवन कुमार।
बल बुद्धि विद्या देहु मोहिं, हरहु कलेश विकार॥
॥ चौपाई॥
जय हनुमान ज्ञान गुन सागर। जय कपीस तिहुँ लोक उजागर॥
राम दूत अतुलित बल धामा। अंजनिपुत्र पवन सुत नामा॥
महावीर बिक्रम बजरंगी। कुमति निवार सुमिति के संगी॥
कंचन वरन विराज सुवेसा। कानन कुंडल कुंचित केसा॥४॥
हाथ बज्र औ ध्वजा विराजै। काँधे मूँज जनेऊ साजै॥
शंकर सुवन केसरीनंदन। तेज प्रताप महा जग बंदन॥
विद्यावान गुनी अति चातुर। राम काज करिबे को आतुर॥
प्रभु चरित्र सुनिबे को रसिया। राम लखन सीता मन बसिया॥८॥
सूक्ष्म रूप धरि सियहि दिखावा। बिकट रूप धरि लंक जरावा॥
भीम रूप धरि असुर सँहारे। रामचंन्द्र के काज सँवारे॥
लाय सजीवन लखन जियाये। श्री रघुबीर हरषि उर लाये॥
रघुपति कीन्ही बहुत बड़ाई। तुम मम प्रिय भरत सम भाई॥१२॥
सहस बदन तुम्हरो जस गावैं। अस कहि श्रीपति कंठ लगावैं॥
सनकादिक ब्रह्मादि मुनीसा। नारद सारद सहित अहीसा॥
जम कुबेर दिगपाल जहाँ ते। कबि कोबिद कहि सके कहाँ ते॥
तुम उपकार सुग्रीवहिं कीन्हा। राम मिलाय राज पद दीन्हा॥१६॥
तुम्हरो मंत्र विभीषन माना। लंकेश्वर भये सब जग जाना॥
जुग सहस्त्र जोजन पर भानू। लील्यो ताहि मधुर फल जानू॥
प्रभु मुद्रिका मेलि मुख माहीं। जलधि लाँघि गये अचरज नाहीं॥
दु्र्गम काज जगत के जेते। सुगम अनुग्रह तुम्हरे तेते॥२०॥
राम दुआरे तुम रखवारे। होत न आज्ञा बिनु पैसारे॥
सब सुख लहैं तुम्हारी सरना। तुम रच्छक काहू को डर ना॥
आपन तेज सम्हारो आपै। तीनों लोक हाँक तें काँपै॥
भूत पिसाच निकट नहिं आवै। महावीर जब नाम सुनावैं॥२४॥
नासै रोग हरै सब पीरा। जपत निरंतर हनुमत बीरा॥
संकट तें हनुमान छुड़ावै। मन क्रम वचन ध्यान जो लावै॥
सब पर राम तपस्वीं राजा। तिन के काज सकल तुम साजा॥
और मनोरथ जो कोई लावै। सोइ अमित जीवन फल पावै॥२८॥
चारों जुग परताप तुम्हारा। है परसिद्ध जगत उजियारा॥
साधु संत के तुम रखबारे। असुर निकंदन राम दुलारे॥
अष्ट सिद्धि नौ निधि के दाता। अस बर दीन जानकी माता॥
राम रसायन तुम्हरे पासा। सदा रहो रघुपति के दासा॥३२॥
तुम्हरे भजन राम को पावै। जनम जनम के दुख बिसरावै॥
अंत काल रघुबर पुर जाई। जहाँ जन्म हरि भक्त कहाई॥
और देवता चित्त न धरई। हनुमत सेइ सर्ब सुख करई॥
संकट कटै मिटै सब पीरा। जो सुमिरैं हनुमत बलबीरा॥३६॥
जै जै जै हनुमान गोसाईं। कृपा करहु गुरू देव की नाईं॥
जो सत बार पाठ कर कोई। छूटहि बन्दि महासुख होई॥
जो यह पढै हनुमान चलीसा। होय सिद्धि साखी गौरीसा॥
तुलसीदास सदा हरि चेरा। कीजै नाथ हृदय महँ डेरा॥४०॥
॥ दोहा॥
पवनतनय संकट हरन, मंगल मूरति रुप।
राम लखन सीता सहित, हृदय बसहु सुर भूप॥
|| DohA ||shrI Guru CharaNa Saroja Raja, Nija Manu Mukuru SudhAri|varanaU.N Raghuvara Vimala Jasu, Jo DAyaku Phala ChAri||buddhihIna Tanu JAnike, Sumiro Pavana KumAra|bala Buddhi VidyA Dehu MohiM, Harahu Kalesha VikAra|| || ChaupAI||jaya HanumAna J~nAna Guna SAgara| Jaya KapIsa Tihu.N Loka UjAgara||rAma DUta Atulita Bala DhAmA| AMjaniputra Pavana Suta NAmA||mahAvIra Bikrama BajaraMgI| Kumati NivAra Sumiti Ke SaMgI||kaMchana Varana VirAja SuvesA| KAnana KuMDala KuMchita KesA||4||hAtha Bajra Au DhvajA VirAjai| KA.Ndhe MU.Nja JaneU SAjai||shaMkara Suvana KesarInaMdana| Teja PratApa MahA Jaga BaMdana||vidyAvAna GunI Ati ChAtura| RAma KAja Karibe Ko Atura||prabhu Charitra Sunibe Ko RasiyA| RAma Lakhana SItA Mana BasiyA||8||sUkShma RUpa Dhari Siyahi DikhAvA| BikaTa RUpa Dhari LaMka JarAvA||bhIma RUpa Dhari Asura Sa.NhAre| RAmachaMndra Ke KAja Sa.NvAre||lAya SajIvana Lakhana JiyAye| ShrI RaghubIra HaraShi Ura LAye||raghupati KInhI Bahuta BaDa़AI| Tuma Mama Priya Bharata Sama BhAI||12||sahasa Badana Tumharo Jasa GAvaiM| Asa Kahi ShrIpati KaMTha LagAvaiM||sanakAdika BrahmAdi MunIsA| NArada SArada Sahita AhIsA||jama Kubera DigapAla JahA.N Te| Kabi Kobida Kahi Sake KahA.N Te||tuma UpakAra SugrIvahiM KInhA| RAma MilAya RAja Pada DInhA||16||tumharo MaMtra VibhIShana MAnA| LaMkeshvara Bhaye Saba Jaga JAnA||juga Sahastra Jojana Para BhAnU| LIlyo TAhi Madhura Phala JAnU||prabhu MudrikA Meli Mukha MAhIM| Jaladhi LA.Nghi Gaye Acharaja NAhIM||durgama KAja Jagata Ke Jete| Sugama Anugraha Tumhare Tete||20||rAma DuAre Tuma RakhavAre| Hota Na Aj~nA Binu PaisAre||saba Sukha LahaiM TumhArI SaranA| Tuma RachChaka KAhU Ko Dara NA||Apana Teja SamhAro Apai| TInoM Loka HA.Nka TeM KA.Npai||bhUta PisAcha NikaTa NahiM Avai| MahAvIra Jaba NAma SunAvaiM||24||nAsai Roga Harai Saba PIrA| Japata NiraMtara Hanumata BIrA||saMkaTa TeM HanumAna ChuDa़Avai| Mana Krama Vachana DhyAna Jo LAvai||saba Para RAma TapasvIM RAjA| Tina Ke KAja Sakala Tuma SAjA||aura Manoratha Jo KoI LAvai| Soi Amita JIvana Phala PAvai||28||chAroM Juga ParatApa TumhArA| Hai Parasiddha Jagata UjiyArA||sAdhu SaMta Ke Tuma RakhabAre| Asura NikaMdana RAma DulAre||aShTa Siddhi Nau Nidhi Ke DAtA| Asa Bara DIna JAnakI MAtA||rAma RasAyana Tumhare PAsA| SadA Raho Raghupati Ke DAsA||32||tumhare Bhajana RAma Ko PAvai| Janama Janama Ke Dukha BisarAvai||aMta KAla Raghubara Pura JAI| JahA.N Janma Hari Bhakta KahAI||aura DevatA Chitta Na DharaI| Hanumata Sei Sarba Sukha KaraI||saMkaTa KaTai MiTai Saba PIrA| Jo SumiraiM Hanumata BalabIrA||36||jai Jai Jai HanumAna GosAIM| KRRipA Karahu GurU Deva KI NAIM||jo Sata BAra PATha Kara KoI| ChUTahi Bandi MahAsukha HoI||jo Yaha PaDhai HanumAna ChalIsA| Hoya Siddhi SAkhI GaurIsA||tulasIdAsa SadA Hari CherA| KIjai NAtha HRRidaya Maha.N DerA||40|||| DohA||pavanatanaya SaMkaTa Harana, MaMgala MUrati Rupa|rAma Lakhana SItA Sahita, HRRidaya Basahu Sura BhUpa||